پوهنیز نظام سره د خلکو د مرستو په تړاو څو ولایتي خبرونه
لوګر:
د لوګر ولایت یو تن ملي سوداګر الحاج محمد اکبر اتل، د یاد ولایت مرکز پل علم ښار اړوند د کوچیانو په لېسه کې د ۷۰ زره افغانیو په ارزښت د څښاک پاکو اوبو یو حلقه څاه وکینده او هم یې د اوبو رسولو تخنیکي سیسټم چمتو او فعال کړ.
پکتیکا:
د پکتيکا ولايت د بکخېلو ولسوالۍ عامو خلکو په خپل شخصي (۷۰ زره) افغانیو لګښت سره د هاشميه لېسې د زده کوونکو لپاره یو باب کمپيوټر خونه جوړه او فعاله کړه.
همدارنګه د یادې لېسې کتابتون هم د عامو خلکو له خوا فعال او د زده کوونکو پرمخ ګټې اخیستنې ته چمتو شو.
د مسئولينو د معلوماتو له مخې، په هاشمیه لېسه کې ټولټال ٢٠٠٠ تنه زده کوونکي په زده کړو بوخت دي.
