پکتیکا ولایت کې د څه باندې ۱۳۰ تنو ښوونکو لپاره ۱۴ ورځنی روزنیز ورکشاپ پیل شو
د پکتیکا ولایت په مرکز ښرنه کې د ښوونې او روزنې د یوې همکارې ادارې په مرسته، د یاد ولایت پوهنې مسئولینو په حضور کې د ۱۳۳ تنو ښوونکو لپاره «د تدریس مېتود» تر عنوان لاندې ۱۴ ورځنی ورکشاپ پیل شو.
د پکتیکا پوهنې رئیس مولوي عبدالوکیل خالد د خپلو خبرو پر مهال، دغه سیمینار د ښوونکو لپاره خورا ارزښتناک وباله او ویې ویل، دا ډول ورکشاپونو د ښوونکو د مهارتونو او د پوهنې کیفیت لا لوړوالي په برخه کې خورا اغېزمن تمامېدلی شي.
