پوهنې وزارت او د اداري اصلاحاتو کمسیون د ښوونې او روزنې د تشکیل بیاکتنې وروستنۍ حالت وڅيړه.
پوهنې وزارت- کابل: د پوهنې وزیر ډاکتر محمدمیرویس بلخي په شتون کې د پوهنې وزارت او د اداری اصلاحاتو کمیسیون د ښوونې او روزنې تشکیل بیاکتني وروستنۍ حالت په یوه ګډه غونډه کې وڅیړه.
په دې غونډه کې د اداری اصلاحاتو کمسیون کمشنر حشمت الله هاشمي د پوهنې وزارت بنسټيزو اصلاحاتو په اړه خپل چمتو شوۍ راپور وړاندې کړ.
د پوهنې وزارت مشرتابه د اداری اصلاحاتو کمیسیون له لوري د چمتو شوي راپور له لیدو وروسته، خپل نظرونه او وړاندیزونه د پوهنې وزارت د بنسټیز تشکیل بیاکتني څرنګوالي په اړه وړاندې کړ.
د یادونې وړ ده چې پوهنې وزارت او د اداري اصلاحاتو او ملکي خدمتونو کمسیون څو وخته وړاندې د پوهنې وزارت دندو او جوړښتونو بیاکتنې، د بشري سرچینو مدیریت د معلوماتي سیستم مینځته راوړلو او فعالولو، د پوهنې وزارت د ټولیزو آزموینو پایلو پلي کولو په برخه کې د همکاري چوکاټ رامینځته کولو په موخه یو هوکړه لیک لاسلیک کړۍ وو.
