د پوهنې وزارت د سرچینو او ادارې معین د غزني ولایت د ده یک ولسوالي له اړوندو مدارسو څخه لیدنه وکړه
د پوهنې وزارت د سرچینو او ادارې د معین شیخ مولوي سعیداحمد شهیدخیل په مشرۍ پلاوي چې په ترکیب کې یې د یاد وزارت د دارالعلومونو رئیس مولوي عبدالقدوس، د زده کوونکو د چارو (امور متعلمین) رئیس استاد حبیب الله خالد او د تقنین او پالیسي رئیس مولوي محمد رحیم ایوب شامل دي، د غزني ولایت ته د خپل سفر په ترڅ کې د یاد ولایت د ده یک ولسوالي له اړوندو مدارسو څخه لیدنه وکړه.
پلاوي په یاد سفر کې د ده یک ولسوالي د لاندې مدارسو او دارالحفاظونو له تدریسي او اداري چارو څخه لیدنه وکړه او له هرې مدرسې سره یې یو ځانګړی مقدار مالي مرسته وکړه ترڅو ورباندې د اعاشې، اباتې او ترمیماتو په برخه کې موجودې اړتیاوې پوره شي:
۱- دحضرت عبدالله بن عمر(رضی الله عنه) مدرسه۲-جامعه فاروقیه ۳- د انوارالعلوم مدرسه ۴- دامام ابوحنیفه(رحمه الله)مدرسه ۵- دامام سید حاجي مدرسه ۶- روحانیه مدرسه ۷-دنجم المدارس مدرسه ۸-داحیاء العلوم مدرسه ۹-دنورالهدی مدرسه۱۰-دفضل المدارس مدرسه ۱۱-دسلطان شهاب الدین غوري دارالحفاظ ۱۲-دمفتاح العلوم مدرسه ۱۳ -د تعلیم القرآن نعمانیه مدرسه او دارالحفاظ ۱۴- دشمس المدارس مدرسه او دارالحفاظ.
د پوهنې وزارت معین صاحب د یادو مدارسو له مسئولینو سره په مالي مرستې برسیره هغوی ته ځینې اړینې سپارښتنې هم وکړې او په علمي ډګر کې یې د هغوی هلې ځلې وستایلې.
