د مرکز او ولایتونو له پوهنې ډګره لنډ خبرونه
پکتیا
د آزموینو ملي ادارې چارواکو پکتیا ولایت ته د یو رسمي سفر پرمهال، د یاد ولایت د پوهنې له مسئولینو سره په کتنه کې، د هغو زده کوونکو د شاملولو په اړه خبرې وکړې چې په تېرو کلونو کې د کانکور له آزموینې پاتې شوې وو.
دغه راز دواړو لورو تازه فارغ شویو زده کونکو ته د نوم لیکنې کارتونو وېشلو څرنګوالي په تړاو هم بحث وکړ.
کابل
د کابل ښار پوهنې رئیس قاري عبدالباسط حقاني، د هېواد له یو شمېر جیدو علماوو سره په کتنه کې، د پوهنیز نظام په پرمختګ کې د هغوی رول اغېزمن او مهم وباله.
همدارنګه یادو علماوو د پوهنې له بهیر سره د هرډول همکاریو ژمنه وکړه.
خوست
د خوست ولایت پوهنې ریاست په دیني مدارسو کې د ښوونکو د ګمارلو په موخه، له یوزره ۳۰۰ تنو نوماندانو څخه آزموینه واخیسته.
زابل
د زابل ولایت پوهنې ریاست د اسلامي ا.مارت نظام په اړه د ځوانانو د پوهاوي کچې د زیاتوالي په موخه، د «ا.مارت پېژندنې» تر سرلیک لاندې آزاده سیالي پیل کړه.
په یاده سیالي کې د زابل ولایت د مدارسو او ښوونځیو شاوخوا ۳۵۰ تنو زده کوونکو برخه اخیستې وه.
نیمروز
د نيمروز ولايت پوهنې رئيس الحاج مولوي ګل احمد حقاني، د یاد ولايت په مرکز زرنج ښار کې د « نبوي (صلی الله علیه وسلم) عالي دارالعلوم د کلنۍ آزموينې څخه څارنه وکړه.
