د پوهنې وزارت د معیاري آزموینو او پایلو ارزونې رئیس د هرات ولایت له پوهنې رئیس سره وکتل
د پوهنې وزارت د معیاري آزموینو او ښوونیزو پایلو ارزونې رئیس مولوي شمس الرحمن حماس، د هرات ولایت له پوهنې رئیس مولوي رحمت الله جابر سره د دغه ریاست په دفتر کې وکتل.
په دې کتنه کې دواړو لوریو د په درې بابه ښوونځيو کې د کانکور آزمویښتي آزموينو د پيل پر څرنګوالي خبرې وکړې.
له بلې خوا د هرات پوهنې رئيس د يادو آزموينو د ترسره کولو په برخه کې د خپلو اړوندو څانګو د هر اړخيزو همکاريو ډاډ ورکړ او د ښوونځيو د آزموينو معياري کولو، لاښه والي او پياوړتيا په برخه کې يې د ورته پروګرامونو ترسره کول مهم وبلل.
د پوهنې وزارت د معیاري آزموینو رئیس په وینا، له یادو آزموینو اساسي موخه، په ښوونځیو کې د آزموینو معیاري کول دي، چې ورسره په څلورو نورو ولایتونو (بلخ، خوست، غزني او پروان) کې یې هم د ورته آزموینو د پیل اعلان وکړ.
