د کاپیسا ولایت د تګاب ولسوالۍ په تعلیمي مرکزونو کې له ۲ پراختیایي پروژو څارنه وشوه
د کاپیسا ولایت پوهنې رئیس محترم الحاج مولوي محمد فرید حقاني، د پوهنې ریاست انجینرۍ ټیم په ملتیا، د تګاب ولسوالۍ په نوروز خېل کلي کې د محمدي دیني مدرسې احاطوي دېوال جوړولو او د همدغې ولسوالۍ په غازي پاینده محمد ښوونځي کې د څښاک پاکو اوبو څاه کیندلو چارې له نږدې وڅارلې.
د دغو پلټنو بنسټیزه موخه، د ودانیزو کارونو کیفیت بیاکتنه، د پروژو ګړندي پلي کول او په تعلیمي پروژو کې د بودیجې له شفاف لګښت څخه ډاډ ترلاسه کول دي.
