د امت خیریه بنسټ مشر د پوهنې وزارت د اسلامي تعلیماتو له معین سره وکتل
د امت خیریه بنسټ مشر ښاغلي محمد احمد د پوهنې وزارت د اسلامي تعلیماتو له معین الحاج مولوي کرامت الله اخندزاده صاحب سره وکتل .
په یاده لیدنه کې چې د پوهنې وزارت ستر سلاکار مولوي سیدغیاث الدین آغا هم ګډون درلود، د استادانو د ظرفیت د لوړولو لپاره د روزنیزو پروګرامونو د دایرولو، د مدارسو او ښوونځیو لپاره د ودانیو د جوړولو، دکلیوالي لومړنیو ښوونځیو لپاره د درسي کتابونو د چاپولو او د استادانو د معاشونو او له هغوی سره د فوق العاده مالي مرستو لپاره د امکاناتو او ظروفو د برابرولو په لارو چارو تفصیلي بحث وشو. د امت خیریه بنسټ مشر ژمنه وکړه، چې یاد بنسټ به په یادو مواردو کې د خپل توان په اندازه د افغانستان له تعلیمي نظام سره مرسته کوي.
د اسلامي تعلیماتو معین له ښاغلي محمد احمد څخه مننه وکړه، چې د افغانستان له تعلیمي سکتور سره د مرستې هوډ لري. نوموړي زیاته کړه، چې اسلامي امارت به په خپل ټول توان سره هڅه کوي چې نړیوالو، سیمه ایزو او داخلي خیریه بنسټونو ته زمینه مساعده کړي چې د افغانستان تعلیمي سکتور تمویل او حمایه کړي.
