د خوست پوهنې ریاست کارکونکو ته د ظرفیت لوړونې ورکشاپ پیل شو
دخوست ولایت د پوهنې ریاست اداری کارکوونکو ته «د جنسیتي برابری په نظر کې نیولو سره د تعلیمي پلان جوړولو» تر عنوان لاندې دوه ورځنی ورکشاپ پیل شو.
یاد ورکشاپ چې د خوست ولایت د پوهنې ریاست د غوڼدو په تالار کې جوړ شوی د پوهنې ورازت د پلان او ارزونې مسلکي غړي او ددې ورکشاپ وړاندې کوونکي ماسټر ټرینر محمد شفیق صدیقي وویل: ددې ورکشاپ له جوړیدو یې موخه د پوهنې وزارت د ولایتي کارمندانو ظرفیت لوړول، د پلان جوړونې، مراقیب او ارزونې، راپور ورکونکي او د ځینو نویو پروژو لکه اقرا برنامه او د ښوونځیو لپاره د نویو ودانیو د جوړولو طرزالعمل تشریح کول دي.
همدارنګه د خوست ولایت د پوهنې ریاست د اسلامي زده کړو مرستیال مولوي شرف الدین اشرف یاد ورکشاپ د کارمندانو د ظرفیت لوړولو په برخه کې خورا مهم او ګټور وباله او د پوهنې وزارت او مرسته کوونکو موسسو یې غوښتنه وکړه، چې دا ډول پروګرامونه باید د ولایت په کچه د معارف نورو کارکوونکي ته هم دایر شي.
