د سرپل ولایت په مرکز کې د ښوونځیو له زده کوونکو څخه د سیرت النبي (ص) ازموینه واخیستل شوه.

media-moe
دوشنبه ۱۴۰۱/۸/۳۰ - ۱۰:۱۷

د سرپل ولایت د پوهنې ریاست له خوا د وړاندې شوي پلان له مخې د دغه ولایت د مرکز د ښوونځیو له زده کوونکو څخه د سیرت النبي ازموینه واخیستل شوه.
په دې ازموینه کې ټولټال ۱۱۰۰ نارینه او ښځینه زده کوونکو برخه اخیستې وه.
د دغه ولايت د پوهنې رئيس مولوي محمد رحماني د يادې ازموينې له بهير څخه د کتنې په ترڅ کې د دې ازموينې له ترسره کېدو څخه د خوښۍ څرګندولو په ترڅ کې وويل: د دې ازموينې له پيلولو څخه يې موخه د زده کوونکو هڅونه او مطالعې سره عادت ورکول دي. ځوانان باید د ستر پیغمبر (ص) له ژوند، نیکو اخلاقو او سترو کارنامو څخه پوره معلومات ترلاسه کړي.
د سرپل ولایت د پوهنې ریاست په پام کې لري، چې د دې ازموینې پایله د مسوولو غړو له هر اړخیزې ارزونې وروسته اعلان کړي.
زده کوونکو د دې ازموينې ترسره کول د دغه ولايت د پوهنې رياست له خوا يو ښه او د قدر وړ اقدام وباله او تود هرکلى يې وکړ.
دوی وویل چې د پیغمبر (ص) له سیرت څخه خبرېدل د ځوانانو په کړنو، اخلاقو او له حرامو څخه د هغوی د مخنیوي او د ټولنې په اصلاحي برخو کې ډېر اړین دي.
د یادولو وړ ده چې د سرپل ولایت د پوهنې ریاست په پام کې لري چې ممتازو زده کوونکو ته له لومړي تر لسمې درجې پورې  جایزې ورکړي. لکه؛ بایسکل، کمپیوټر، د قرانکریم صوتي او نور وړ شیان.

تازه خبرونه

چهارشنبه ۱۴۰۴/۶/۵ - ۱۴:۴۵
Background image

بدخشان ولایت کې د ۲۰۰ زره افغانیو په لګښت د ښوونځي ودانۍ بیاورغول شوه

د بدخشان ولایت ارګو ولسوالۍ د هزاره قدم عالي لېسې ودانۍ د یو همکار بنسټ په مرسته د ۲۰۰ زره افغانیو په لګښت ترمیم او بیارغول شوې ده. همدارنګه د یادې لېسې د زده‌کوونکو والدینو هم د ښوونځي. . .

چهارشنبه ۱۴۰۴/۶/۵ - ۱۴:۴۳
Background image

د میدان وردګ ولایت ښوونځیو ته سپورټي توکي ووېشل شول

د میدان وردګ ولایت پوهنې ریاست د یاد ولایت سید آباد ولسوالۍ اړوند د امام ابو حنیفه انخي، عثمانیه، امام ابو حنیفه، تنګي او زرني ښوونځيو ته د والیبال، کرېکټ او رسۍ لوبو تجهیزاتو په ګډون د. . .

چهارشنبه ۱۴۰۴/۶/۵ - ۱۴:۳۲
Background image

په کاپیسا ولایت کې د یو باب ښوونځي ودانۍ بیاځلې پرانیستل شوه

د کاپیسا ولایت نجراب ولسوالۍ اړوند شهید نېک محمد ښوونځي ودانۍ، چې د بیاجوړولو کارونه یې څه موده وړاندې د یوې همکارې ادارې لخوا بشپړ شوي وو، د پوهنې رئیس، علماءکرامو او د خلکو استازو په. . .

BACK TO NEWS