د سرپل ولایت پوهنې ریاست څه د پاسه ۳۰۰ کسانو څخه د تعلیمي سویې د تثبیت ازموینه واخیسته

د سرپل ولایت پوهنې ریاست، د هېواد بچیانو لپاره د تعلیمي اسانتیاوو برابرولو په موخه، له شاوخوا ۳۰۰ تنو م/جاهدینو څخه د تعلیمي سویې د تثبیت ازموینه واخیسته.
د یاد ولایت پوهنې مسئولینو په وینا؛ دغه داوطلبان چې د ج/هادي فعالیتونو د بوختیاوو له امله د زده‌کړو له بهیر څخه پاتې شوي وو، اوس د تعلیمي فرصتونو په برابرېدو سره کولای شي، خپلې زده کړې بشپړې کړي.
هغوی زیاته کړه چې پلان شته، د دې پروسې داوطلبان د هغوی د تعلیمي کچې له مخې د ښوونځیو له اووم څخه تر دولسم ټولګیو پورې شامل شي.
له دې وړاندې هم یاد ریاست له سلګونو م/جاهدینو او هغو کډوالو څخه چې بېرته هېواد ته راستانه شوي دي، د تعلیمي سویې د تثبیت ازموینه اخیستې وه او هغوی د خپلې تعلیمي کچې له مخې د زده کړو د دوام لپاره اړوندو ښوونځیو ته ورپېژندل شوي وو.