د سید جمال الدین افغاني دارالمعلمین آمر د کاپیسا، پروان او پنجشېر ولایتونو له پوهنې رئیسانو سره وکتل
د سید جمال الدین افغاني دارالمعلمین آمر مولوي محمد فاروق، د یاد بنسټ د الف څانګې له مسؤلینو سربېره د پروان ولایت پوهنې رئیس مفتي محمد حسن، د کاپیسا ولایت پوهنې رئیس حافظ محمد فرید، د پنجشیر ولایت پوهنې رئیس مفتي حبیب الله نوري قتاده، د پوهنې ریاست یو شمېر مسئولینو، د كاپيسا او پنجشېر ولايتونو د مسلكي پرمختيايي کمېټې غړو او یو شمېر نورو کارکوونکو سره په کتنه کې په یو لړ مهمو ښوونیزو موضوعاتو نظرونه تبادله کړل.
په دې کتنه کې د پوهنې وزارت د مسلکي پراختیا رئیس په ټاکل شویو زونونو کې د یاد ریاست د نوي تشکیلاتي جوړښت د پلي کولو او نورو مهمو مسایلو په اړه خبرې وکړې او ډاډ یې ورکړ، چې په دې پروسه کې به د پوهنې وزارت مشرتابه په لارښوونه، له شته کارکوونکو څخه به هېڅوک له دندو ګوښه نه شي؛ بلکې په نورو شته بستونو کې به د دوی د مهارت او تجربې په پام کې نیولو سره وټاکل شي.
همدارنګه نوموړي په یاده برخه کې د ګډون والو پوښتنو ته ځوابونه وويل او د شته ستونزو د حل په موخه يې د همکارۍ ژمنه وکړه.
