د لسمو ټولګو له زدهکوونکو څخه د ځینو درسي مضمونونو معیاري ازموینه اخیستل کېږي
دا چې د درسي کیفیت لوړول او د ازموینو معیاري کول د پوهنې وزارت د ستراتیژیک پلان له مهمو لومړیتوبونو څخه دي؛ نو په همدې موخه د معیاري ازموینو او ښوونیزو پایلو ارزونې ریاست د خپلې کاري کړنلارې له مخې، پلان لري چې د اسلامي ښوونې او روزنې، ژبې، کیمیا او ریاضیاتو مضمونونو ازموینه د کابل ښار د ا/مارتي او خصوصي ښوونځيو د لسمو ټولګیو له ۴۰ زره زدهکوونکو څخه واخلي.
له همدې امله، د یاد پروګرام پلي کولو لپاره د دغه ریاست علمي غړي د مسلکي پراختیا، درسي نصاب، اساسي او ثانوي زدهکړو، شهادتنامو ریاستونو او د کابل ښار د ښوونځيو استادانو په همکارۍ، تعلیمي حوزو ته دنده سپارل شوې، تر څو د روان کال لیندۍ/ قوس میاشتې له ۱۰ مې تر ۱۳مې نېټې پورې د یادو مضمونونو معیاري ازموینه واخلي.
