د پوهنې وزارت د خدماتو ریاست سرپرست د خپل اړوند ریاست کارمندانو ته ور وپېژندل شو
(چهار شنبه،۱۴۴۴/۲/۱۷هـ.ق-۱۴۰۱/۶/۲۳هـ.ش)
د پوهنې وزارت دخدماتو ریاست سرپرست مولوي محمدابراهیم محمد د یاد وزارت د کیفیت د تضمین معینیت د سرپرست الحاج مولوي عبدالخالق صادق له لوري د یو لړ مراسمو په ترڅ کې د یاد ریاست کارمندانو ته ور وپېژندل شو.
په یادو مراسمو کې د کیفیت د تضمین معینیت سرپرست په خپله وینا کې د خدماتو ریاست د پخواني رئیس استاد حبیب الله خالد د خدماتو ستاینه او مننه وکړه او نوي سرپرست ته یې د بریا او موفقیت هیله څرګنده کړه. نوموړي یاد ریاست د پوهنې وزارت یو مهم خدماتي ارګان وباله او یادونه یې وکړه چې د پوهنې وزارت مشرتابه د یاد ریاست د کارونو سمون او پرمختګ ته ځانګړې پاملرنه لري.
د یادونې وړ ده چې د خدماتو ریاست سرپرست به د نوي رسمي رئیس ته معرفي کېدلو پورې د یاد ریاست چارې سنبالوي.
