د پوهنې وزارت رهبرۍ هیت غونډه وکړه
پوهنې وزارت_کابل: د پوهنې وزارت سرپرستې آغلې رنګینې حمیدي په مشرۍ د معینانو او اړونده رییسانو په ګډون د رهبرۍ هیت غونډه تر سره شوه.
د پوهنې وزارت رهبرۍ هیت یو شمیر موضوعات لکه د عمومي زده کړو په برخه کې د عادلانه او با کیفیته تعلیمي خدماتو وړاندې کول، اسلامي زده کړو، سواد زده کړو، مدیریت او د رهبرۍ سیستم، عملي اصلاحات، تشکیلاتي جوړښت او پوهنې وزارت کې د ښځو د ونډې پر تقویه کیدو بحث او څیړنه وشوه.
د پوهنې وزارت سرپرستې د دې ترڅنګ چې د غونډې بحث یې واوریدو خپل نظریات او ملاحظات یې هم د یادو موضوعاتو په اړه څرګند او لازمې مشورې یې د موضوع په اړه د غونډې ګډونوالو ته وړکړې.
آغلې حمیدي څرګنده کړه چې وروسته له دې په معارف کې د اصلاحاتو د راوستو او د کیفیت د ودې په برخه کې هیڅ راز خنډ او ځنډ د منلو وړ نه دی او په جدي توګه باید کار پرې وشي آغلې حمیدي واضح کړه چې په دوه لسیزو کې یو شمیر کارونه ترسره شوي دي خو اوس په معارف کې د عمل او تحرک وخت را رسیدلی دی.
آغلې حمیدي په ډاګه کړه چې د خود کفا او مصوونه ټولنې ته د لاسرسۍ یواځینۍ لار په هیواد کې د باکیفیته ښوونې او روزنې خدماتو په وړاندې کولو ممکن دي او بله هیڅ داسې کومه لار نشته او په دغه سپیڅلې لار کې په ریښتوني اومسوولانه توګه باید کار وکړو.
