د پوهنې وزارت سرپرست له لوري په پېښور ښار کې د پوهنې آتشه وستایل شو
د پوهنې وزارت سرپرست الحاج مولوي حبیب الله آغا، د پاکستان اسلامي جمهوریت په پېښور ښار کې د یاد وزارت آتشه مولوي عبدالقدیر سعید د غوره خدمتونو له امله د ستاینلیک په ورکولو سره وستایه. د پوهنې وزارت سرپرست په یاد هېواد کې د مېشتو افغان کډوالو زده کوونکو لپاره د آسانتیاوو رامنځته کولو په برخه کې د همدغه افغان آتشه خدمتونه مهم او د ستایلو وړ وبلل او له نوموړي یې وغوښتل، تر څو د افغان کډوالو زده کوونکو لپاره د تحصیلي اسنادو بشپړولو او منظورۍ برخه کې لازیاتې آسانتیاوې برابرې کړي. له بلې خوا د پوهنې آتشه د پوهنې وزارت مشرتابه ته د خپلې ژمنې په تازه کولو سره په پاکستان کې مېشتو افغان کډوالو ته د هر ډول آسانتیاوو برابرولو ډاډ ورکړ.
