د پوهنې ولایتي خبرونو ته لنډه کتنه
لغمان
د لغمان ولایت قرغهیې ولسوالۍ د مشهخېل لېسې لپاره د لمریز برېښنا سیسټم نصب شو.
دغه سیسټم د یادې ولسوالۍ د یوه معارفپال اوسېدونکي له لوري د ۶۳ زره ۳۶۰ افغانیو په لګښت جوړ او فعال شوی دی.
هرات
د هرات ولایت پوهنې ریاست په همغږۍ او د یوه خصوصي علمي بنسټ په همکارۍ، د «لوېدیځ فکري او فرهنګي یرغل پر وړاندې د مسلمان ځوانانو ویښتابه» تر سرلیک لاندې ورکشاپ د څه باندې ۱۰۰ تنو زدهکوونکو لپاره ترسره شو.
د دې ورکشاپ موخه د دیني ارزښتونو د ساتنې په برخه کې د مسلمانو ځوانانو د پوهاوي لوړول، د فکري او فرهنګي یرغل پر وړاندې علمي لارې چارې وړاندې کول او د مسئولیتپالنې روحیې پیاوړتیا وه.
دایکنډي
په دایکنډی ولایت کې د سوادزدهکړې مسئولینو لپاره درې ورځنی روزنیز سیمینار د «سوادآموزۍ د ارزونې وړتیاوې» تر عنوان لاندې جوړ شو.
په دې سیمینار کې د لویانو او هغو کسانو لپاره چې په لېرې پرتو سیمو کې له زدهکړو محروم پاتې شوي، د سواد د ارزونې بهیر او طریقو په اړه روزنه ورکړل شوه.
ننګرهار
په ننګرهار ولایت کې له شاوخوا ۳۵۰ تنو هغو م/جاهدینو څخه چې له زدهکړو پاتې وو، د تعلیمي سویې د تثبیت ازموینه واخیستل شوه.
د پوهنې مسئولینو په وینا، یاد کسان به د ازموینې له بشپړولو وروسته د اتم څخه تر یوولسم ټولګي پورې د ولایت په ښوونځیو کې شامل شي، ترڅو خپلو زدهکړو ته دوام ورکړي.
