د چهاردرې ولسوالۍ د معارف فوټبال ټیم اتل او د علی آباد ولسوالۍ تیم نایب اتل شو
د پوهنې وزارت_کندز: د فوټبال په هغه سیالۍ کې چې د کندز ولایت د پوهنې ریاست او نورو دولتی اداراتو د اتو ټیمونو ترمنځ پیل شوې وې، د چهاردرې ولسوالۍ د پوهنې فوټبال ټیم اتل او د علی آباد ولسوالۍ د پوهنې فوټبال ټیم نایب اتل مقام تر لاسه کړ.
په هغه غونډه کې چې په همدې موخه جوړه شوي وه ، د کندز ولایت د ولايتي شورا رئيس محمد یوسف ایوبی، د پوهنې ریاست مرستيال عبدالقیوم قانوني، د دولتي ادارو یو شمیر مسوولینو، د فوټبال مینه والو او لوبغاړو ګډون درلود.
پدې ټورنمنټ کې، فرزاد ابراهیمي د چهار درې ولسوالۍ د پوهنې له ټیم څخه د غوره ګول کیپر، رقیب غوره دروازه بان او انعام جان د کندز ولایت د ښار جوړونی د ټیم غړی د اقای ګول په توګه وټاکل شو.
د غونډې په پای کې، هغه جایزې چې د پوهنې ریاست لخوا د لوبغاړو لپاره ټاکل شوې وې، د دولتی مسوولینو لخوا وویشل شوې.
