زابل ولایت د بولان د عالي لیسې ودانۍ ګټې اخیستنې ته و سپارل شوه
د پوهنې وزارت، زابل: د زابل ولایت د سیوری ولسوالۍ د بولان لیسې نوې ودانۍ ګټې اخیستنې ته وسپارل شوه.
د بولان لېسې ودانۍ په پاخه او اساسي ډول په یو پوړکې د ۱۵ میلیونه افغانیو په مجموعي لګښت د هندوستان هیواد په مالي مرسته جوړه شوې، چې ۶ درسي خونې، ۲ اداري خونې، احاطوي دیوال، عصري تشنابونه، میز او چوکۍ د څښاک اوبه او نورې اړوندې ښوونیزې آسانتیاوې لري. چې د دې ښوونځي په جوړیدو سره به د شاوخوا کلیو ماشومان په ښه توګه وکولای شي د لته په محفوظ چاپیریال کې زده کړې وکړي.
