زابل ولایت کي د روان کال په اوږدو کې ۳۰ تړلي ښوونځۍ پرانستل شوې
د پوهنې وزارت_زابل: د زابل ولایت د پوهنې ریاست مسؤلین خبر ورکوي په ښوونځیو کې د زده کوونکو شمېر ډیر شوی او سږ کال دوی توانیدلي ترڅو په لیري پرتو سیمو کې ۳۰ تړلي ښوونځي بیا پرانیزي
د دې ولایت د پوهنې ریاست تدریسي مرستیال روزي محمد صدیقي د کلنیو ازموینې د پیل په مراسمو کې دا خبرې وکړې او زیاته يې کړه چې سږکال په کلنۍ ازموینه کې د تیر کال په پرتله لس سلنه د زده کوونکو شمېر زیات شوی او همداشان توانیدلي چې ۳۰ تړلي ښوونځي د زده کوونکي پرمخ پرانیزي د نوموړي د مالوماتو له مخې دا مهال شاوخوا ۷۹ زره زده کوونکي زابل کې ښوونځیو ته ځي چې ۱۶ زره يې نجونې دي.
