له ولایتونو څخه د پوهنې خبرونه

media-moe
سه‌شنبه ۱۴۰۱/۱۱/۴ - ۱۰:۰
له ولایتونو څخه د پوهنې خبرونه.

نورستان:
د نورستان ولایت د پوهنې رئیس مولوي تاج محمد مطمین د پوهنې وزارت د مالي او محاسبې له رئیس مولوي صدرالدین سعد سره د لیدنې پر مهال د دغه ولایت په عزیزي بانک کې د پوهنې د کارکوونکو د معاشونو د ورکړې پر ستونزو یې خبرې وکړې.
فراه:
د فراه ولایت د اسلامیه او رحمانیه مدارسو د ۹ تنو د قرآن کریم فارغینو ته د یوې سترې غونډې په ترڅ کې د فضیلت دستار ور په سر شول.
د فراغت په دې مراسمو کې، چې د هرات، هلمند او کندهار ولايتونو څخه ديني عالمانو برخه اخيستې وه، د قران کريم حافظان یې د ټولنې مشالونه وبلل.
پروان:
د پروان ولایت د پوهنې ریاست چارواکي وايي: د یونیسف د سیمه ییزې ادارې له خوا د دغه ولایت د پوهنې ریاست ته د ۱۲۴ خیمو د ورکړې ژمنه شوې وه، چې له دې جملې څخه ۷۲ یې په دې وروستیو کې د پوهنې ریاست ته سپارل شوي او پاتې نور به یې ډېر ژر د پروان ولایت د پوهنې ریاست ته وسپارل شي.
همدارنګه:
 آغاشیرین د پروان د پوهنې ریاست د جنسي مدیر په توګه وګمارل شوه او د دغه ولایت د پوهنې د رئیس مفتي محمد حسن له خوا کارکوونکو ته ور وپېژندل شوه.

لغمان:
د لغمان ولایت د پوهنې رئیس مولوي شاه جهان ساجد له خپل ملګري پلاوي سره د علي خیلو د نجونو ښوونځي د ازموینو له بهیر څخه یې لیدنه وکړه.
میدان وردګ:
په میدان وردګو ولایت کې د یونیسف ولایتي دفتر د ۵۶ ښوونځیو لپاره د ۱۱۷ خیمو مرسته وکړه.
د دغه ولايت د پوهنې مسوولينو د دغې ادارې له مرستو څخه مننه وکړه او د دغو مرستو د دوام غوښتنه يې وکړه.

تازه خبرونه

چهارشنبه ۱۴۰۱/۱۱/۱۲ - ۱۲:۰
Background image

له ولایتونو څخه د پوهنې لنډ خبرونه

لغمان

د لغمان ولایت د پوهنې رئیس مولوي شاه جهان ساجد په دغه ولایت کې د پوهنې د ودې په موخه په جوړه شوې غونډه کې د اسلامي امارت له بریا وروسته د پوهنې په برخه کې د ترسره شویو فعالیتونو. . .

چهارشنبه ۱۴۰۱/۱۱/۱۲ - ۹:۴۶
Background image

له ولایتونو څخه د پوهنې لنډ خبرونه

دایکندي

د دايکنډي ولايت د پوهنې رئيس مفتي رحمت الله مدثر او ورسره پلاوي د دغه ولايت له امنيه قوماندان الحاج ملا عبدالحکيم رفيع الله سره وکتل او په دې ولايت کې يې د پوهنې او سواد زده. . .

سه‌شنبه ۱۴۰۱/۱۱/۱۱ - ۱۱:۵۱
Background image

د کابل له پوهنې ریاست څخه د یوې ورځې د فعالیتونو لنډ راپور

د OCCD موسسې مسوولینو د کابل ولایت د سروبي ولسوالۍ د پوهنې آمر مولوي عبدالله عابد سره په لیدنه کې د دې ولسوالۍ په لرو پرتو سیمو کې د ۵۰ سیمه ییزو او چټکو زده کړو ټولګیو د جوړولو خبره. . .

BACK TO NEWS