لوګر کې د نجونو زده کوونکو د لاسي صنایعو نندارتون جوړ شو

په لوګر ولایت کې د نجونو ښوونځیو له ۵۰ ډېرو زده کوونکو د سنځل ګل په دودېزه کلنۍ مشاعره کې خپل لاسي صنایع نندارې ته وړاندې کړل.
په دې نندارتون کې د نجونو زده کوونکو بیلا - بیل لاسي صنایع نندارې ته اېښودل شوي 
په یاد نندارتون کې نجونو زده کوونکو وکولای شول،چې د لاسي صنایعو په برخه کې خپل استعدادونه او وړتیاوې خلکو ته ښکاره کړي.
د نندارتون تر څنګ په یاده مشاعره کې زده کوونکو د معارف،هېواد او سولې په هکله ترانې هم وویلې.
د لوګر د پوهنې رئیس عبدالوکیل کلیوال د یاد نندارتون پر جوړېدو خوښي څرګنده کړه او زیاته یې کړه، چې په نږدې راتلونکي کې به د نجونو زده کوونکو د لاسي صنایعو ورته نور نندارتونونه هم جوړ کړي. 
د یادونې وړده،چې په لوګر کې له دې مخکې هم د نجونو زده کوونکو د لاس صنایعو ورته نور نندارتونونه جوړ شوي.