متوازن، معیاري او باکیفیته خدمات زموږ په لومړیتوبونو کې دي
پوهنې وزارت_کابل: د پوهنې وزارت سر پرستې آغلې رنګینې حمیدې د پوهنې وزارت له معیینانو، رییسانو او مشاورینو سره وکتل. آغلې حمیدي د پوهنې د نظام کاري مخینې ته په کتو سره وویل: په تیرو دوه لسیزو کې په هیواد کې د ماشومانو لپاره د ښوونې او روزنې په برخه کې ښې کړنې او فعالیتونه تر سره شوي دي چې پرته له شکه د قدر وړ دي اما د نړۍ پرمختګ ته په کتو سره دا کړنې کافي نه دي آغلې حمیدي زیاته کړه: د پوهنې په برخه کې نور فرصت له لاسه نه ورکوو اوس هغه وخت را رسیدلی چی ټول خپله ملي وجیبه د هیواد په وړاندې سرته ورسوو.
په دغه ناسته کې چې د پوهنې وزارت د کنفرانسونو په تالار کې جوړه شوې وه د عمومي زده کړو معیین ښاغلي ډاکټر محمد ابراهیم شینواري، د سواد زده کړو معیین ښاغلي سردار محمد رحیمي، د ښوونکو د روزنې او نصاب د پراختیا معیینې آغلې مرجان متین، د عمومي زده کړو سر پرست رییس ښاغلي عطاالله واحد یار، د کابل ښار د پوهنې رییس ښاغلي ډاکټر ضمیر ګوارا د نورو په استازیتوب خبرې وکړې.
