ننګرهار کې ساینس مرکز ته نوي ودانۍ جوړه شوه
د ننګرهار ولایت پوهنې ریاست کې د نږدې ۲۲ میلیونه افغانیو په لګښت د ساینس ودانۍ ګټې اخیستنې ته وسپارل شوه .
د ننګرهار والي شاه محمود مياخيل دیاد مرکز د ودانۍ د پرانیستې په تړاو جوړو شویومراسمو کې وويل، چې د ساينس مرکز ودانۍ، د نږدی ۲۲ ميلیونه افغانيو په مالي لګښت د څوارلس میاشتو په موده کې په پنځه سوه شپږ اویا متره مربع سیمه کې دښار جوړونې وزارت په تخنیکي همکاری په دریو پوړنو کې جوړه شوې ده، چې ۲۲ خونې، ۶ تشنابونه او نورې اړوندې ټولې ښوونیزې آسانتیاوي لرې.
نوموړي زياته کړه، چې د عملي زده کړو په موخه د ساينس مرکز ته ډيره اړتيا وه هغه له ښوونکو او زده کوونکو وغوښتل، ترڅو د ساينس مرکز کې څخه د عملي تجربو او زده کړو ترسره کولو په موخه ګټه واخلي .
په هغه مراسمو کې چې د پوهنې ریاست په انګړ کې جوړه شوي وه ، دننګرهار والي شاه محمود میاخیل،ولایتي شورا منشي حمیرا رفیع،د شورا غړي استاد اسرارالله مراد،د پوهنې رئیس حسیب الله شینواري،د ښار جوړونې رئیس انجینر عبدالباسط ساحل او یو شمیر نورو مسؤلینو ګډون درلود.
