نورستان ولایت ته د پوهنې وزارت سرپرست د سفر په دوام
![123](/sites/default/files/2023-06/whatsapp_image_2023-06-25_at_3.03.44_pm.jpeg)
د ا.ا.ا پوهنې سرپرست وزیر الحاج مولوي حبیب الله أغا نورستان ولایت ته د خپل سفر په دوام کې د یاد ولایت د پوهنې له رئیس، مشرتابه، د هېواد د ملکي او امنیتي ادارو له نورو مسئولینو سره په داسې حال کې چې د دې ولايت د پوهنې رئيس مولوي تاج محمد مطمئن له لوري يې ملتيا کېده د هغه ولایت امنیې قوماندانۍ ته تشريف یووړ. وروسته يې په هغو مراسمو کې ګډون وکړ چې د ياد ولایت مقام او د قومندانۍ د تشريفاتي جزوتامونو له لوري نیول شوي وو.
لومړی د نورستان ولایت امنیې قومندان په دغه ولایت کې د پوهنې د سرپرست وزیر حضور ته ښه راغلاست ووایه او په دغه ولایت کې یې د پوهنې وزارت د پلانونو د تطبیق لپاره خپل چمتووالی اعلان کړ.
د پوهنې سرپرست وزیر هم د دغې قوماندانۍ د رهبرۍ او کارکوونکو له هرکلي څخه مننه وکړه، له هغوی یې وغوښتل چې د دې قوماندانۍ کم لوستي او نالوستي کارکوونکي دې د سواد زده کړې په کورسونو کې تنظیم کړي.