هرات ولایت کې له راستنېدونکو کډوالو ماشومانو څخه د سویې د تثبیت ازموینه واخیستل شوه
د هرات ولایت پوهنې ریاست له ۱۶۰ تنو کډوالو ماشومانو څخه د تعلیمي کچې معلومولو په موخه د سویې د تثبیت ازموینه واخیسته.
یاده ازموینه د یوه ځانګړي څارنیز پلاوي تر نظر لاندې ترسره شوه او په پلان کې ده چې د پوښتنپاڼو تر ارزونې وروسته به دغه زدهکوونکي د دوی د تعلیمي کچې پر اساس د همدغه ولایت د ښوونځیو له اووم تر یوولسم ټولګیو کې شامل شي.
د یادونې وړ ده چې د روان ښوونیز کال له پیل راهیسې، په هرات ولایت کې د راستنېدونکو ماشومانو شمېر ۵۷۳۲ تنو ته رسېدلی دی، چې د تعلیمي کچې تر ارزولو وروسته هغوی د خپلو سویو سره سم له لومړي څخه تر دولسم ټولګي پورې شامل شوي دي.
