هلمند پوهنې ریاست سره څه باندی ۲۰۰ زرو ډالرو په ارزښت مرسته وشوه

atayee
دوشنبه ۱۳۹۷/۱۲/۱۳ - ۱۰:۱۲
moe

هلمند کې د امریکايي سمندري ځواکونو د ملکي مشاوریت برخې د خپلو مرستو په دوام دا ځل د هلمند پوهنې ریاست سره د څه باندي ۲۰۰ زرو امریکایي ډالرو په ارزښت د بیلابیلو توکو مرسته وکړه.

په هغه غونډه کې چي د همدې له امله جوړه شوي وه د یاد ولایت دپوهنې رییس محمد داود شاه صفاري وویل: د سمندري ځواکونو د ملکي برخې له لوري پدې مرستو کې چې ټولټال ارزښت یې ۲۱۲۰۰۰ امریکايي ډالر کیږي، د زده کوونکو لپاره ۷۲۰ جوړې میزونه او چوکۍ ، ۲۵۰۰ مترمربع فرش، د ۱۰۱۰۴ زده کوونکو لپاره کتابچې،بستې ، قلمونه، د اوبو جیکونه او بیلابیل نور اړین توکي شامل دي.

دپوهنې رییس زیاته کړه،  چې له پوهنې ریاست سره به د سمندري ځواکونو د ملکي برخې ماموریت مرستې دوام وکړي، او د پوهنې ریاست به پوره هڅه وکړي چې دغه مرستې د یو شفاف میکانیزم له مخې و ښوونځیو ته وویشل شي، چې ددغو مرستو په ترسره کولو سره به په ښوونځیو کې د زده کوونکو درسي بهیر پياوړی شي او زده کوونکي به له ګڼو سهولتونو څخه برخمن شي.

 د یادولو وړ ده، په هلمند کې د امریکایي سمندري ځواکونو د ملکي ماموریت له لوري له پوهنې ریاست سره دغه مرسته په داسي حال کې ترسره کیږي، چې څو ورځې وړاندي د ۲۱۵ میوند قول اردو له لوري هم له پوهنې ریاست سره د ۵۰ پایو ډسکټاپ کمپیوټرونو مرسته ترسره شوه.

 

تازه خبرونه

یکشنبه ۱۳۹۸/۱/۴ - ۱۳:۴۱
Background image

میدان وردک کې د زنګ په کړنګولو سره نوي تعلیمي کال پیل شو

په میدان وردک ولایت کې ۱۳۹۸ پوهنیز کال  د دولتي چارواکو، دیني عالمانو او قومي مخورو لخوا د ښوونځي زنګ په وهلو سره رسمآ پیل شو...

یکشنبه ۱۳۹۸/۱/۴ - ۱۲:۴۱
Background image

د ننګرهار ولایت په هغه ښوونځي کې د سړو سیمو د تعلیمي کال د پیل زنګ وکړنګول شو، چې تېر درې کاله د داعیش مرکز و!

​​​​​​​د ننګرهار په سړو سیمو کې د نوي ښوونیز کال د پیل او زنګ وهلو مراسم ددې ولایت د هسکی مېنې ولسوالۍ اړوند د پاپین سیمې د پاپین په لېسه کې د یولړ مراسمو په ترڅ کې ولمانځل شو ...

یکشنبه ۱۳۹۸/۱/۴ - ۱۱:۲۷
Background image

په  خوست کې نوي پوهنیز کال په شاندارو مراسمو سره ونمانځل شو

په خوست ولایت کې ۱۳۹۸ پوهنیز کال د ولایت والي ښاغلي محمد حلیم فدايي،د اجراییه ریاست سلاکار ښاغلي غازي نواز ټني او پوهنې رییس نصیر احمد روشان له خوا د ښوونځي زنګ په وهلو سره رسمآ پیل شو.. . .

BACK TO NEWS