پروان ولایت کې د ښوونځیو زدهکوونکو ته د ۳۸ میلیونه افغانیو په ارزښت قرطاسیه ووېشل شوه
د یوه همکار بنسټ له لوري د ۳۸ میلیونه افغانیو په ارزښت د پروان ولایت پوهنې ریاست ته مرسته شوې قرطاسیه او درسي مرستندویه توکي، د ټاکل شوې سهمیې له مخې د ياد ولایت ښوونځیو ته ووېشل شول.
په دغو توکو کې د لومړي تر درېیم ټولګي زدهکوونکو لپاره ۶۳ زره او ۸۷۷ کڅوړې قرطاسیه، د څلورم تر شپږم ټولګي لپاره ۳۸ زره او ۲۳۴ کڅوړې درسي توکي، د ښوونکو لپاره ۲ زره او ۵۵۲ بستې درسي مرستندویه مواد او د ښوونځیو لپاره شاوخوا ۴۴۸ بستې اداري پارچې شاملې دي.
