په خوست ولایت کې د ۲،۵ مېلیونه افغانیو په ارزښت د نور القرآن جومات او مدرسې بیارغونې چارې پیل شوې
د خوست ولایت په مته چینه سیمه کې د نور القرآن جومات او مدرسې ودانۍ، چې پخوا د بېلابېلو لاملونو له امله وېجاړه شوې وه او بیارغونې ته یې اړتیا وه، نن یې د بیارغونې چارې د کډوالو او راستنېدونکو چارو وزارت د سرپرست الحاج خلیل الرحمن حقاني، د مرستیال والي الحاج مولوي محبوب شاه قانت، پوهنې رئیس مولوي فیض الله جمال حقاني او د سیمه ییزو ادارو د مسئولینو په ګډون په ۱۰ جرېب ځمکه کې پیل شوې.
دخوست ولايت پوهنې مسئولينو د څرګندونو له مخې: دغه مدرسه څه د پاسه د ۷۰۰ تنو او جومات یې په يو وخت کې د٢٠٠٠ تنو لمونځ کوونکو ظرفيت لري چې ددغو دوو بنسټونو دبيارغونې ټولیز لګښت ۲،۵ مېلیونه ډالر اټکل شوی او د یوې مرسته کوونکې ادارې له لوري تمویلېږي.
ویناوالو په خپلو خبرو کې د ښوونیزو بنسټونو او جوماتونو جوړول د ټولنې د اصلاح په برخه کې خورا ګټور او اغېزمن وبلل او د يادې مدرسې له مسئولینو یې وغوښتل تر څو په راتلونکي کې د ودانۍ او وسايلو ساتنې او ترميم ته جدي پاملرنه وکړي.
