په لغمان ولایت کې له ۲۴۲ بې وزله زده کوونکو سره مرسته وشوه
د HHRD موسسې د هر یو بې وزله زده کوونکي سره د قرطاسیې، د ښوونځي بکس، غوړي، جامې، بوټونه او ۸۰۰ سوه افغانۍ نغدي مرسته وکړه.
د ياد شوي موسسې استازي ذبيح الله شېرزاد د يادو توکو د وېش پر مهال وويل: د یتیمانو او بې وزله ماشومانو سره مرسته د زده کړې په برخه کې د دوی د پرمختګ موخه ده ترڅو دوی د زده کړې په بهیر کې د نورو ماشومانو څخه وروسته پاتې نشي.
له بلې خوا د دغه ولايت د پوهنې رياست رییس شاه ولي نقشبندي د ياد موسسې د پوهنې په برخه کې ملاتړ تاريخ ته په اشارې سره د ياد موسسې له مشرتابه مننه وکړه.
د چارواكو په وينا، دغه مؤسسه به مستحقو زده كوونكو ته درې بايسكلونه او د ګنډلو درې ماشينونه د پچه آچونې په چوکاټ کې هم ووېشي.
