پوهنې وزیر د بي بي عایشه صدیقه (رض) دارالعلوم له زده کړیالانو سره لیدنه او خبرې اترې وکړې.
پوهنې وزارت- کابل: پوهنې وزیر ډاکتر محمدمیرویس بلخي د بي بي عایشه صدیقه (رض) دارالعلوم څخه د لیدنې ترڅنګ د یاد دارالعلوم له مدیر او زده کړیالانو سره لیدنه او خبرې اترې وکړې.
پوهنې وزیر ډاکتر بلخي په دې لیدنه کې په دارالعلومونو کې د زده کړیالانو او په مدرسو کې د نجونو او هلکانو طالبانو په مطالعې او د نړۍ نوې تکنالوژۍ سره سمبالتیا په زیاتې اړیتا ټينګار وکړ.
پوهنې وزیر ډاکتر بلخي یادونه وکړه چې د پوهنې لسیزې په نوې ستراتیژي کې د دارالعلومونو او دیني مدرسو لپاره د کیفیت پراختیا او د اصلاحاتو راوستلو په برخه کې ډیره پاملرنه شوې ده.
په دې لیدنه کې د یاد دارالعلوم مدیر او زده کړیالانو خپلې ستونزې لکه د کتابتون، جومات او کمپیوټر خونې د نشتون ستونزې د پوهنې وزارت له مشرتابه سره شریکې کړې. او پوهنې وزیر د یادو ستونزو پر حل او څار ټینګار وکړ.
د یادونې وړ ده چې د بي بي عایشه صدیقه (رض) دارالعلوم په دوه درسي وختونو کې د لمړي ټولګي څخه تر ۱۴ ټولګي پورې ۱۴۵۰ زده کړیالانو ته د زده کړې خدمتونه وړاندې کوي.
