پوهنې وزیر ډاکتر بلخي د ECW بنسټ نړیوالې مسئولې یاسمین شریف سره لیدنه او خبرې اترې وکړې

پوهنې وزارت- نیویارک: پوهنې وزیر ډاکتر محمدمیرویس بلخي امریکا ته د خپل رسمي سفر په ترڅ کې د ECW بنسټ نړیوالې مسئولې یاسمین شریف سره لیدنه او خبرې اترې وکړي.
په دې لیدنه کې د چې ECW(زده کړه انتظار نه کوي) بنسټ مرکزي سمینار څخه وړاندې تر سره شوه؛ دواړو لورو په افغانستان کې د ښوونې او روزنې وروستني حالت د ګډو همکاریو پر اساس و څیړه.
دا غونډه چې د موزامبک او اتوپیا هیوادونو استازو په شتون کې تر سره شوه؛ د لا زیاتو نړیوالو همکارانو ملاتړ راجلبولو لپاره د افغانستان د ښوونې او روزنې په اساسي مسئلو خبرې اترې وشوې.
پوهنې وزیر ډاکتر بلخي د ECW (زده کړه انتظار نه کوي) بنسټ له نړیوالې مسئولې څخه وغوښتل چې د ښوونې او روزنې د ښه والي لپاره او په ټول هیواد کې د ښوونې او روزنې خدمتونو ته د ماشومانو یوشان لاسرسي په موخه، د نړیوالې ټولنې د ډيرو مرستو جلبولو لپاره هلې ځلې وکړي.
د ECW(زده کړه انتظار نه کوي) بنسټ نړیوالې مسئولې یاسمین شریف پدې لیدنه کې د افغانستان ماشومانو ښوونې او روزنې حالت ښه والي په خاطر د پوهنې وزارت مشرتابه هڅې وستایلې او د ډیرو همکاریو د دوام او پیاوړتیا لپاره يې خپل چمتووالۍ اعلان کړ.
د یادونې وړ ده چې د هیواد پوهنې وزیر دHigh Level Steering Group Meeting په غونډه کې چې د ECW(زده کړه انتظار نه کوي) بنسټ په کوربتوب د سپتمبر په ۲۴ او ۲۵ تر سره کیږي، امریکا هیواد ته سفر کړي دي.