کابل ولایت کې د ۲۰۰ زره افغانیو په لګښت د یو باب ښوونځي ودانۍ ترمیم شوه
د کابل ولایت پغمان ولسوالۍ اړوند د حسن البصري "رحمه الله" عالي لېسې د ودانۍ بیارغونې او ترمیم چارې د ۲۰۰ زره افغانیو په لګښت، د سیمه ییزو علم پاله ولسي خلکو په مالي ملاتړ بشپړې او د یاد ولایت پوهنې رئیس او چارواکو په حضور کې بېرته فعال شوه.
په دې پروسه کې د ښوونځي د احاطوي دېوال بهر د ۱۲۰ مترو په اوږدوالي اغزن تار لګول، د سپورټ لوبغالي، درسي خونو، د څښاک پاکو اوبو سیسټم بیارغونه او د اړینو تجهیزاتو پېرودل او نصبول شامل دي.
د پوهنې وزارت مشرتابه، پوهنیز نظام سره د علم پروره هېوادوالو له مالي ملاتړ ستاینه او هرکلی کوي.
