لغمان کې د کلیوالي ټولګیو لپاره ښوونکي ګمارل کېږي
پوهنې وزارت_لغمان: په لغمان ولایت کې د کلیوالې ټولګیو لپاره د ښوونکو د ګومارنې آزموینه واخیستل شوه.
په دغه آزموینه کې ۲۶ تنو د نیمه لوړو زده کړو او لوړو زده کړو فارغانو ګډون کړی وو، چې د یوې رڼې پروسې په پایله کې دکلیوالي د ټولګیو لپاره د ښوونکو په توګه د یاد ولایت په مرکز او ولسوالیو کې پر دنډو وګمارل شي.
د لغمان د پوهنې رییس عبدالله حمیدی د آزموینې ګډونوالو ته د بشپړ شفافیت ډاډ ورکړ او ژمنه یې وکړه، چې د یو تن حق به هم نه تلف کېږي.
د ازموینې له ګډونوالو به د یوې رڼې او شفافې پروسې له لارې ۷ تنه پر دندو وګومارل شي، چې له ګومارنې سره به سلګونو تنو ماشو مانو ته د زده کړو زمینه برابره شي.
