د هلمند ولایت د پوهنې ریاست نوی رئیس د خپل ریاست همکارانو ته ور وپېژندل شو
محترم مولوي محمدعوض انصاري صاحب چې د عالیقدر امیرالمؤمنین شیخ الحدیث هبة الله اخندزاده صاحب د (۴/۷/۱۴۴۳هـ ق) نېټې د (۲۱۴) ګڼه فرمان په اساس، د هلمند ولایت د پوهنې ریاست د رئیس په توګه ټاکل شوی وو، د پوهنې وزارت د سرپرست وزیر شیخ القرآن والحدیث الحاج مولوي نورالله « منیر» صاحب له لوري د خپل ریاست همکارانو ته د یو لړ مراسمو په ترڅ کې ور وپېژندل شو.
محترم وزیر صاحب د ښاغلي انصاري صاحب د معرفي په مراسمو کې د خپلو څرګندونه په ترڅ کې د هلمند ولایت د پوهنې ریاست د پخواني رئیس محترم مولوي عبدالباري شهاب صاحب خدمتونه وستایل او نوي رئیس محترم مولوي انصاري صاحب ته یې له الله تعالی څخه په ور سپارل شوي مسئولیت کې د توفیق غوښتنه وکړه .
د یادونې وړ ده، چې محترم مولوي انصاري صاحب کلونه،کلونه د اسلامي امارت د تعلیمي کمیسیون په چوکاټ کې ارزښتناک خدمتونه سرته رسولي دي.
