په لغمان ولایت کې د ښوونځیو ۱۱۴ تنو منسوبینو لپاره روزنیز ورکشاپ پیل شو
د لغمان ولایت مرکز او ولسوالیو د ۵۷ بابه ښوونځیو ۱۱۴ تنو ښوونکو او مدیرانو مسلکي او مهارتي وړتیاوو لوړولو لپاره ۵ ورځنی روزنیز ورکشاپ، د پوهنې وزارت سره د یوې همکارې ادارې په مالي مرسته پیل شو.
د یاد دې ورکشاپ د پرانیستې په مراسمو کې، د لغمان ولایت پوهنې وزارت رئیس محترم مولوي شاه جهان ساجد، دغه پروګرام د ښوونکو د علمي وړتیاوو لوړولو لپاره ګټور وباله او له ګډونوالو یې وغوښتل چې ترلاسه شوي مسلکي مهارتونه په خپلو اړوندو ښوونځیو کې په مسلکي ډول پلي کړي.
په دې روزنیز ورکشاپ کې به ښوونکي فعال تدریسي مېتودونه، د درسي ټولګیو مدیریت، د زدهکوونکو ارزونې او شاګردمحوره مېتودونو په برخو کې ګټوره پوهه ترلاسه کړي.
د پورته ذکر شوي سیمینار ګډونوال د دې ورکشاپ له ترسره کېدو څخه خوښ دي او وايي چې د یادو روزنیزو مهارتونو له لاسه کولو وروسته به دوی په خپلو اړوندو ښوونځیو کې په مسلکي ډول تدریس ته دوام ورکړي.
