د پوهنې وزارت د ښوونې او روزنې محترم معین له سید جمال الدین افغان نمونوي لېسې څخه لیدنه وکړه
د پوهنې وزارت د ښوونې او روزنې معین محترم شیخ عبدالمالک حقاني د سید جمالالدین افغان نمونوي لېسې ته لاړ او هلته یې د یادې لېسې له مسئولینو، ښوونکو او زدهکوونکو سره له نږدې وکتل، چې د چارواکو او زدهکوونکو له تود هرکلي سره مخامخ شو.
د پوهنې وزارت محترم معین د یاد تعلیمي مرکز ارزښت، اغېز او د زدهکوونکو د ښوونې او روزنې پراخې موخې تشرېح کړې او زیاته یې کړه: "د دغې لېسې بنسټ اېښودل د پوهنې مشرتابه د قوي ارادې، پاک نیت او ژور تعهد څرګنده نښه ده او له تاسو زدهکوونکو هم غواړو چې له دغه طلايي فرصت څخه اعظمي ګټه پورته کړئ."
همدارنګه نوموړي څرګنده کړه: " ممکن تاسو په پیل کې د خپلو کورنیو، خپلوانو او ملګرو څخه د لېرېوالي له امله رواني فشار سره مخامخ شوي یاست؛ خو دا مبارزه د یو لوی هدف لپاره ده. تاسو باید خپل هوډ، اراده او د ځانباورۍ حس لا پسې قوي کړئ."
د یادونې وړده، تر دې دمه له ۲۰۰ تنو تازه جذب شویو زدهکوونکو څخه ۱۶۵ تنه یې اوسمهال په یاده لېسه کې په درسونو بوخت دي، چې ورسره سم د زدهکوونکو لپاره د اسانتیاوو برابرولو، د امکاناتو تنظیم او د چاپېریال جوړښت لا هم د بشپړېدو په حال کې دی.
