دایکندي کې ښوونکو ته د ځمکو نومرو وېش پیل شو
د پوهنې وزارت، دایکندي: د دایکندي ولایت ښوونکو ته د ځمکو د نومرو ویش په رسمي ډول د یاد ولایت د والي محمد ضیا همدرد، د پوهنې ریاست سرپرسته او تدریسی مرستیاله شریفه اکبري او د ځمکو د پیژندنې د کمیسیون غړو په حضور کې رسما پیل شو.
د دایکندي والي د ښوونکو د ښار ګوټي په ساحه کې د ځمکې د نومرو د توزیع په پیل کې ټولو ښوونکو ته مبارکي وویله او دا پروسه یې د ښوونکو د بې کوره کیدو ستونزې حلولو په برخه کې یو مثبت ګام وباله او زیاته یې کړه: په افغانستان کې ښوونکي له ګنو ستونزو سره مخ دي د ټولو ستونزو سره سره، دوی خپله دنده په ځانګړې لیوالتیا سره سرته رسولې او په پوره صداقت او ایمانداري سره د وطن د بچیانو په ښوونه او روزنه بوخت دي.
د دایکندي ولایت د پوهنې سرپرست ومنله چې د استوګنې ښارګوټي ځمکه به د کاري تجربې پراساس د ولایت مرکز کې ښوونکو ته وویشل شي، او ۳۱ تنه ښوونکي چې د ښوونې په برخه کې ترټولو کاري سابقه او تجربه لري د پچې اچونې پرته مستحق دي. او پاتې نورو ۶۴ تنو نورو ښوونکو ته به دپچې اچونې له لارې توزیع شي.
