غور ولایت کې د ۱۳۹۹ کال د ښوونځیو د زده کوونکو کلنۍ آزموینه پبل شو
پوهنې وزارت،غور: د پوهنې وزارت په لاښوونه د ۱۳۹۹ ښوونیز کال، د دولتي او خصوصي ښوونځیو کلنۍ آزموینې پیل شوې.
د غور د پوهنې رییس احمدصابر نوري د آزموینې د بهیر له پیل نه لیدنه وکړه او د دې بهیر په پیلیدو یې خوښي څرګنده کړه او د ښوونځي له ښوونکو او نور کارکوونکو یې غوښتنه وکړه چې د آزموینې په بهیر کې روڼتیا ته پوره پاملرنه وکړي.
ټاکل شوې ده چې د ۱۳۹۹ ښوونیز کال کلنۍ آزموینې به د یاد ولایت په ټولو تعلیمي بنسټونو کې له څلورم ټولګي څخه تر دولسم ټولګي، د کب میاشتې تر ۲۵ مې نیټې دوام مومي، او له لومړيو ټولګیو نه تر دریمو ټولګیو پورې به بیا د کب میاشتې له شلمې څخه تر پینځه ویشتمې نیټې آزموینې واخیستل شئ.
