په غزني ولایت کې د ۷۵ ښوونکو لپاره د وړتیا لوړونې سیمینار پاي ته ورسید
د غزني ولایت د پوهنې ریاست اړوند د ساینس مرکز د غونډو په تالار کې د پوهنې ریاست استازو، د ښوونکو د روزنې رئیس، استادانو، فارغینو او مېلمنو په ګډون سره د ( ۴۲) ورځنۍ ښوونیز سیمینار د پاي ته رسیدو مراسم ترسره شول.
د ښوونکو د روزنې رئیس استاد محمد خان جلالزي او د پوهنې ریاست د انسجام آمر په خپلو خبرو کې له ناروي مؤسسې څخه د ښوونځیو د ښوونکو لپاره د دا ډول ښوونیزو پروګرامونو د جوړیدو له امله مننه او خوښې څرګنده کړه او تر څنګ یی دا ډول پروګرامونه د ښوونکو لپاره اغیزمن وبلل او له یادې مؤسسې څخه یې د نورو ورته پروګرامونو د جوړلو غوښتنه وکړه.
یادې غونډې ته د ناروی مؤسسی د ښووني او روزنې مسؤل عبدالحميد واحدي ګډونوالو ته د یاد پروګرام په اړه هر اړخیزه معلومات وړاندي کړل او زیاته یی کړه : چې د ښوونکو د وړتیا لوړونې د پروګرام موخه د هیواد بچیانو ته په ښوونځیو کې د اغیزمن تدریس لپاره د ښوونکو د وړتیا لوړول دي او یاد بنسټ تل هڅه کوي چې د پوهنې په بیلابیلو برخو کې خپل لازمي کړنې ترسره کړی او په راتلونکی کې به هم دوام ولري.
د یادونې وړ ده، چې په دغه پروګرام کې د مرکز او ولسوالیو (۷۵) تنه نارینه او ښځینه ښوونکو ګډون کړی وو، .
په یاد پروګرام کې ګډونوالو ته د ښوونکو د روزنې ریاست لخوا په ریاضیاتو، دیني علومو او ساینس؛ برخو کې د تدریس اړوند هر اړخیزه مهم معلومات د شپږو اونیو په ترڅ کې وړاندي شول
