د لوګر ولایت د ۴۷ ښوونځيو ۱۲۷ ښوونکي ته د وړتیا لوړونې لس ورځني روزنیز سیمینار پای ته ورسیدو
د يادې روزنې په اختتاميه غونډه کې،چې د محمدآغې د هلکانو په عالي لېسه کې جوړه شوې وه د پوهنې رئيس مولوي جنت ګل عزيز او مرستیالانو یې ګډون کړی وو.
دا ښوونکي د پوهنې رياست د کاري پلان له مخې، د ساينس او ښوونيزې ټکنالوژۍ مديريت روزلي دي، چې د متوسطې او لېسې دورو د کيميا،فزيک،بيولوژي،ساينس او رياضي مضمونونو ښوونکي دي.
ياد ښوونکي، د نوموړو مضمونونو د تدريس د نوېو لارچارو او تجربو په برخه کې روزل شوي ، څو د دوى علمي او مسلکي سويه لوړه او هم زده کوونکو ته د عملي تدريس زمينه برابره کړي.
د لوګر د پوهنې رياست د تېرو ۳ مياشتو په موده کې، د ۱۶۷ ښوونځيو ۳۸۲ ښوونکو ته، چې د فزيک، کيميا، بيولوژي، ساينس او رياضي مضمونونو ښوونکي دي د ظرفيت لوړونې په برخه کې روزلي دي.
دغه راز د راتلونکي نوي ښوونيز په لومړيو کې به ۱۶۹ نور ښوونکي هم، چې ۸۰ د څرخ، ۵۰ د ازرې او ۳۰ د خروار ولسواليو ښوونکي دي د ظرفيت لوړونې په برخه کې به وروزل شي.
