د سرپل ولایت د آسیا آباد د هلکانو په لېسه کې دوه درسي ټولګي پرانستل شول
د سرپل ولایت د آسیا آباد د هلکانو په لېسه کې د څښاک د اوبو ذخیرې، د اوبو پمپ، لس اودس خوني او دوه درسي خونې چې د جوړولو چارې یې د ۶۰۰ او ۵۰ زره افغانیو په لګښت د NRC موسسې د ولایتي دفتر لخوا پیل شوې وې د دې ولایت د پوهنې د ریس مولوي محمد رحماني له خوا په داسې حال کې پرانیستل شو، چې د پوهنې ریاست مشرتابه، د لوړو زده کړو وزارت استازو او قومي شخصیتونو حضور درلود.
د سرپل ولايت د پوهنې رئيس مولوي محمد رحماني د يادو ټولګيو د پرانستلو په مراسمو کې له يادې ادارې څخه د مننې په ترڅ کې وویل، چې د يادو ټولګيو د جوړېدو چارې په ټوليزه توګه دوه مياشتې وخت ونیو، چې د دې خونو په جوړیدا سره د زده کوونکو لپاره د زده کړو اسانتیاوې برابرې شوې دي.
هغه څرګنده کړه: يادې ادارې د دغه ولايت په بېلابېلو سيمو کې اته ښوونځي تر پوښښ لاندې راوستي دي.
د سرپل ولايت د پوهنې رييس له زده کوونکو وغوښتل چې د ښوونځيو ساتنې ته جدي پاملرنه وکړي
