له کندهار پوهنې ریاست څخه د یوې ورځې د فعالیتونو لنډ خبرونه
د کندهار ولایت د دامان ولسوالۍ د سواد زده کړې له کورسونو څخه ۸۲ تنه بې سواده او کم سواده هېوادوال له ویلو او لوستلو څخه وروسته فارغ شول.
د دې ولسوالۍ د پوهنې آمر مفتي احمد سعيد د دوى د فراغت په مراسمو کې ګډون وکړ او له هغوى يې وغوښتل، چې په دې زده کړو باندې بسنه ونه کړي او د لا زياتو زده کړو د ترلاسه کولو لپاره خپلې هڅې جاري وساتي.
همدارنګه:
د پلان له مخې د کندهار ولایت د شاولي کوټ ولسوالۍ د پوهنې آمر د شاه وليکوټ جهادي مدرسې د اداري او تدریسي اسنادو د کتلو پر مهال د یاد مدرسې له ښوونکو سره ناسته وکړه او هغوی یې کار او خدمت کولو ته وهڅول.
په یوه بل خبر کې:
د اداري اصلاحاتو او ملکي خدمتونو کمیسیون د مقررې له مخې د کندهار ولایت د پوهنې ریاست د پنځم او شپږم بستونو ۲۸ تنه کارکوونکي د ولایت د مقام او د کندهار ولایت د پوهنې ریاست د پلاوي په حضور کې معرفي شول.
په یوه بل خبر کې:
په دې وروستيو کې چې ندا محمد د کندهار ولايت د سيدجمال الدين افغان لېسې د تدریسي مدير په توګه مقرر شوی و، د ياد ریاست د څارنې د عمومي مدير مولوي محمد فاروقي له خوا د دې لیسې ښوونکو ته وروپېژندل شو.
د نورو خبرونو له مخې:
په کندهار ولايت کې د قبایلو د لېسې د څلور نيم مياشتنیو ازموینو د پايلو د اعلان په مناسبت يوه غونډه جوړه شوه.
په دې غونډه کې د لیسې آمر او نورو استادانو فارغینو او د هغوی کورنیو ته د فراغت مبارکي وویله او له فارغانو یې وغوښتل چې د ټولنې په پرمختګ کې فعاله ونډه واخلي.
