د پوهنې وزارت د سرچينو او ادارې معين د کابل له ج/هادي مدرسې څخه لیدنه وکړه
د پوهنې وزارت د سرچینو او ادارې معين مولوي صبغت الله وصيل نن سهار د کابل ولایت د ج/هادي مدرسې له آزموینو څخه د لیدنې او څارنې په موخه له يادې مدرسې څخه لیدنه وکړه.
د پوهنې وزارت پلاوى مدرسې ته په ننوتلو سره د مسئولينو، استادانو او زده کوونکو له لوري د تود هرکلي سره مخامخ شو.
ورپسې د ياد وزارت معين په هغه غونډه کې چې د مدرسې مسئولینو او استادانو پکې حضور درلود، ګډون وکړ.
د يادې مدرسې مهتمم د پوهنې وزارت معين ته ښه راغلاست ووايه او د پوهنې وزارت تر مشرۍ لاندې يې د يادې مدرسې د کارونو او کړنو په اړه مفصل معلومات وړاندې کړل.
همدانګه د پوهنې وزارت د سرچینو او ادارې معين د دغه مدرسې د طلابو د آزموینې له بهیر څخه لیدنه وکړه او له هغوی یې وغوښتل، تر څو خپل درسونه د آزموینو په خاطر نه، بلکې د زده کړو د کچې د لوړولو په موخه تعقیب کړي.
دغه راز نوموړي د ورسپارل شویو دندو لاښه والي په موخه، د زده کوونکو نظریات او ستونزې واوریدې او د حل په اړه یې ډاډ ورکړ.
