په مرکز او ولایتونو کې د پوهنې کړنو ته لنډه کتنه
کابل
د کابل ولایت پوهنې رئیس الحاج مولوي عبدالحق حقاني، د یاد ولایت د شکردرې ولسوالۍ له پوهنې مسئولینو، د ښوونځیو د شوراګانو له غړو او قومي مخورو سره غونډه وکړه.
په یاده ناسته کې د مدارسو او ښوونځیو پر ستونزو او یو شمېر ښوونیزو اړتیاوو د خبرو ترڅنګ، لازم تصمیمونه ونیول شول.
لوګر
د پوهنې په برخه کې یو همکار بنسټ، د یاد ولایت د پوهنې ریاست سره په همغږۍ، د سیمه ییزه او چټکو زده کړو د ۳۶۲ بابه ټولګیو ۷ زره۴۰۰ تنه زده کوونکو ته ښوونیزې بستې ووېشلې.
کندوز
د کندوز ولایت پوهنې رئیس الحاج مولوي محمداسماعیل ابو احمد، د یاد ولایت په مرکز کې د ۸ بېلابېلو ښوونځیو اداري او تدریسي چارې وڅېړلې او د یادې لېسې مسئولینو ته یې د پوهنیز وضعیت لاښه والي په برخه کې لازمې سپارښتنې وکړې.
نیمروز
د نیمروز ولایت پوهنې رئیس الحاج مولوي ګل احمد حقاني، د یاد ولایت په مرکز کې د خواجه عبدالرحمن لېسې د ادارې او تدریسي چارو څخه لیدنه وکړه.
د یو بل خبر له مخې:
د نيمروز ولايت پوهنې رياست له ٦٠ تنو نوماندانو څخه رقابتي آزموينه واخيسته.
د یادې پروسې مسئوله کمېټه په پام کې لري، تر څو په ۱۳ اداري بستونو کې وړ کسان د رسمي کارکوونکو په توګه وګماري.
