د مرکز او ولایتونو پوهنې کړنو ته کتنه
پکتیا
د پکتيا ولايت پوهنې رئيس الحاج مولوي عبدالقيوم فاروقي د ياد رياست د کارکوونکو له کړنو څخه څارنه وکړه او له هغوی يې وغوښتل، چې له مراجعينو سره نېک چلند وکړي او ورسپارل شوې دندې په لاښه توګه ترسره کړي.
پروان
د پروان ولايت پوهنې رئيس مولوي سيد محمد فيضي د ګلبهار عالي لېسې او دارالحفاظ او د جبل السراج ولسوالۍ د مولانا عبدالرزاق راشد لېسې څخه د لیدنو سربېره، د يادو ادارو اداري او تدريسي چارې وڅېړلې.
پنجشېر
د پنجشېر ولايت پوهنې رئيس مفتي حبيب الله نوري قتاده، د یاد ولايت مرکز اړوند د بازارک لېسې، له اداري او درسي کړنو څخه څارنه وکړه او له زده کوونکو څخه يې د فوټبال او ترانې ټېمونه وټاکل.
کابل
د کابل ښار پوهنې رئیس قاري عبدالباسط حقاني، د محراب الدین، آقا علي شمس عالي لېسو، افغان مستورې منځني ښوونځي او د قیس بن لیث له لومړني ښوونځي څخه لیدنه وکړه.
میدان وردګ
د میدان وردګ ولایت پوهنې ریاست د معتمدینو او خدماتي کارکوونکو د څو خالي بستونو د ډکولو په موخه، له ۸۲ تنو نوماندانو څخه رقابتي آزموینه واخیسته.
