د پوهنې وزارت د دعوت او ارشاد ریاست د کار او کړنو اوونیز راپور
شنبه د 4/9/1446 څخه تر پنجشنبې 4/14/1446 هجري قمري (21-26 تله 1403لمریز)
په تېره اوونۍ کې د پوهنې وزارت د دعوت او ارشاد رياست مسئولينو د کابل ښار په بېلابېلو ناحيو کې د افغان ایتي، راج، تایپل، ريان، عبدالغفور، آسيا، ناهيد شهید او مدثر دانش له خصوصي ښوونځيو څخه ليدنه وکړه.
د دعوت او ارشاد ریاست پلاوي د يادو ښوونځيو تعليمي وضعيت و ارزاوه او د ځينو نيمګړتياوو د له منځه وړلو، د شرعي احکامو د پلي کولو او د پوهنې د کيفيت لاښه والي په موخه يې د يادو تعليمي مرکزونو مسئولينو ته لازمې سپارښتنې وکړې.
له بلې خوا د يادو ادارو مسئولينو خپلو ښوونځيو ته د پوهنې وزارت د دعوت او ارشاد ریاست د پلاوي له ورتګ خوښي څرګنده او ژمنه يې وکړه، چې د د دعوت او ارشاد ریاست له لارښوونو سره سم به خپلې ورځنۍ چارې پرمخ وړي.
دغه راز د پوهنې وزارت د مرکزي هستې، د کابل ښار د تعليمي ناحیو او د ولايتونو د پوهنې رياستونو څخه لاسته راغلي راپورونه ښیي، چې تېره اوونۍ هم د مبلغینو له لوري دیني درسونو دوام درلود.
