د پوهنې په برخه کې د هېواد د خلکو مادي او معنوي مرستې دوام لري
- د لغمان ولایت قرغیو ولسوالۍ اړوند د جانان هوتک د لېسې ۱۰۰ تنو زده کوونکو ته د محلي خلکو لخوا د اړتیا وړ درسي مواد چمتو شول.
همدا راز د ځایي خلکو په همکارۍ د پکتیکا ولایت مرکز ښرنې ښار ته څېرمه د حضرت بلال (رضی الله عنه) عالي لېسې لپاره د ۱۱۰ زره افغانیو په لګښت، د لمریزې برېښنا سیسټم نصب او فعال شو.
د پوهنې وزارت د هېواد له ښوونیز نظام سره د خلکو له مادي او معنوي مرستو هرکلی کوي.
.
