په بامیان ولایت کې د ښوونکو له روزنیز ورکشاپ څخه څارنه وشوه
د بامیان ولایت پوهنې رئیس محترم قاري عنایت الله سهار په یکاولنګ ولسوالۍ کې د آمرینو، مدیرانو او ښوونکو د مسلکي وړتیاوو لوړولو په اړه له روزنیز ورکشاپ څخه څارنه او بیاکتنه وکړه او دغه ورکشاپ یې مثبت وارزاوه.
دغه راز د پوهنې رئیس ګډونوالو ته د ورکشاپ اهمیت څرګند او زیاته یې کړه چې د بامیان ولایت پوهنې ریاست، د پوهنې وزارت د اهدافو سره سم تل هڅه کوي چې ورکشاپونه او تعلیمي سیمینارونه جوړ کړي؛ ترڅو تدریسي او تعلیمي پروګرامونه په سمه او مؤثره توګه تطبیق شي.
