په کونړ ولایت کې د زلزلې له زیانمنو شویو کورنیو سره ۱.۷ مېلیونه افغانۍ مرسته وشوه
د کابل ښار پوهنې ریاست، د وروستیو زلزلو له امله د کونړ ولایت له زیانمنو شویو کورنیو سره د مرستو راټولولو کمپاین ترسره کړ، چې په ترڅ کې یې د کابل ښار له ښوونځیو څخه ټولټال ۱.۷ مېلیونه افغانۍ نغدي مرسته راټوله او یاد ولایت ته انتقال شوه.
دغه مرسته د پوهنې ریاست د دوه ورځني پلاوي له لوري د کونړ ولایت ۲۴۲ اړمنو کورنیو ته ووېشل شوه.
د پوهنې وزارت مشرتابه د کابل ښار د ښوونځیو مسئولینو او زدهکوونکو له دغه اسلامي او بشر دوستانه اقدام څخه قدرداني څرګنده او له ټولو هېوادوالو په ځانګړي ډول له ملي سوداګرو او پانګهوالو یې وغوښتل چې په دې سختو شېبو کې د هېواد د ختیځو ولایتونو د زلزلهځپلو خلکو سره د مرستې په برخه کې خپل اسلامي او انساني مسئولیتونه ادا کړي.
